Utambulisho wa Simulizi ya 'Nilipotea!'

Bado ndoto za mafanikio, UTAJIRI kushinda familia fulani, kuhangaika kufanikisha familia iishi kwenye jumba fulani, zuri na la kifahari, kuwe na gari zuri zaidi, watoto waende shule Bora Sana, na kuwapa watoto vitu vizuri, bila mipango yakutosha kutoka kwa wazazi juu ya malezi ya watoto hao wanaohangaikiwa Sana, imeathiri NDOA nyingi na watoto wengi Sana. 

Lengo linakuwa ni zuri, lakini kunakuwa hakuna mipango madhubuti ya kuwakuza watoto hao wanaohangaikiwa kupita kiasi. Katikati ya harakati hizo za wazazi wakisaka hizo mali watoto hujikuta kukua mbali na wazazi. Wazazi wanakuwa busy na kushindwa hata kuwakuza kwenye mahusiano mazuri na wao wazazi wenyewe au kuwafunza jinsi ya kuwa bora kwa jamii inayowazunguka watoto wao, ila kujikuta kuangukia kwenye kasumba yakuwasogeza watoto wao karibu na hizo mali. 

Kisha watoto hao huishia kuwa na mahusiano mazuri na mali zinazohangaikiwa sana na wazazi. Kujikuza wenyewe, au kukuzwa na tv wakifuatisha mila na desturi za kuigiza tu mitandaoni. AU kujikuta wanaangukia kukuzwa na watu baki/wafanyakazi/ndugu ambao nao wanamaadili mabovu. Huishia kufanyiwa vitendo vya kikatili wengine mpaka ubakwaji na watu wakaribu Sana na wazazi. Tena wale ambao wazazi wanakuwa wanawaamini kuwa wanaweza kuwalea watoto wao wakati wao wakiwahangaikia vilivyo.

 Wanakuwa ni watoto waliokuzwa kwenye vingi na vya thamani lakini maskini wa nafsi na fikra. Waliojaa upweke ndani ya maisha hayo ya kifahari. Mwishowe kushindwa kabisa kufanyika watu waliokusudiwa na Mungu wawe msaada bora kwanza kwenye ngazi ya familia na hata kwenye jamii pia.

Ungana nami kwenye SIMULIZI hii ya NILIPOTEA!, ya kusisimua na inayogusa maisha ya jamii moja kwa moja, ili kujua mengi na kukutana na wengi ili ujifunze mengi zaidi na KUSAIDIA WENGINE. Karibu na unakaribishwa pia kuacha mchango wako hapo kwenye comment.